სამხრეთ კორეაში საქართველოს დელეგაციის ვიზიტი დაიწყო. დელეგაციის შემადგენლობაში არიან: ფინანსთა მინისტრი დიმიტრი გვინდაძე, რეგიონული განვითარებისა და ინფრასტრუქტურის მინისტრი რამაზ ნიკოლაიშვილი და ენერგეტიკისა და ბუნებრივი რესურსების მინისტრი ალექსანდრე ხეთაგური.
ვიზიტის ფარგლებში დაგეგმილია შეხვდერები სავაჭრო პალატაში, კორეის საერთაშორისო სავაჭრო ასოციაციაში, სტრატეგიისა და ფინანსთა სამინისტროში, EXIMBANK-ის შტაბ-ბინაში, კორეის ვაჭრობისა და ინვესტიციების წახალისების სააგენტოში, კორეის ინდუსტრიების ასოციაციებთან და კორეის საერთაშორისო განვითარების სააგენტოსთან.
შეხვედრების ფორმატში განიხილება თანამშრომლობის რამდენიმე მიმართულება: კორეის დაფინანსება მსხვილი საგზაო და ენერგეტიკული ინფრასტრუქტურის პროექტების განსახორციელებლად, საქართველოში კორეიდან კერძო ინვესტიციების მოზიდვა. შეხვედრების ფორმატში კორეულ მხარეს მიეწოდება ამომწურავი ინფორმაცია საქართველოს ბიზნეს კლიმატის და ქვეყანაში განხორციელებულ სტრუქტურულ-ეკონომიკურ რეფორმებთან დაკავშირებით.