საქართველო მეკობრული „სოფტების" გამოყენების თვალსაზრისით ლიდერთა შორისაა. IT კომპანია „დპა"-ს გაყიდვების დირექტორის ზაზა ჯაველიძის განმარტებით, მიუხედავად იმისა, რომ ამ მიმართულებით სტატისტიკა არ არსებობს, აღნიშნული მოსაზრება ძირითადად აიტი კომპანიების მოძიებულ ინფორმაციას ეფუძნება.
„საქართველო, მართლაც ერთ-ერთი ლიდერია მეკობრული უზრუნველყოფის გამოყენების თვალსაზრისით. რეგიონში კი, ამ კუთხით მოწინავე პოზიცია უკავია. დღეს ეს თემა საკმაოდ აქტუალურია. არამხოლოდ ქართველი მომხამრებელი, არამედ მსხვილი ქართული კომპანიები და სახელმწიფო სტრუქუტრებიც კი, პირატული პროგრამების გამოყენებას ამჯობინებენ. ნათელია, რომ ფიზიკური პირების 100 პროცენტი მეკობრულ პროგრამების მოხმარებელია"- აცხადებს ზაზა ჯაველიძე.
მისივე თქმით, ლიცენზირებული პროგრამებით უზურნველყოფა მნიშვნელოვანია თავად კომპანიებისა თუ ორგანიზაციების უსაფრთხო მუშაობისთვის.
„ შესაძლოა, ერთ-ერთი მიზეზი მართლაც იყოს ლიცენზირებული პროგრამების სიძვირე, თუმცა მიმაჩნია რომ ყველაზე მნშვნელოვანი მაინც მომხარებლის სწორად ინფორმირებაა, ანუ მან იცოდეს თუ რატომ უნდა იყოს ლიცენზირებული პროგრამა, იცოდეს რა უპირატესობა ახასიათებს და განასხვავოს პირატული პროგრამისგან არჩევანის გაკეთებისას. მან უნდა გააცნობიეროს რომ ეს არის ინტელექტუალური საკუთრება, რომელის შესაქმნელად მწარმოებელი კომპანიები ხარჯავენ დროს, ენერგიასა და თანხას.აუცილებელია მომხარებელმა ამისთვის თანხა გადაიხადოს. საცალო ბაზარზე ამ იდეისპოპულარიზაცია საინფორმაციო კამპანიების წარმოებით უნდა მოხდეს"- აცხადებს ITკომპანია „დპა"-ს გაყიდვების დირექტორი.
მისივე თქმით, ლიცენზირებული პროგრამები 30 პრონცეტით უფრო სწარაფად და ხარისხინაად მუშაობს, ვიდრე „პირატული".
„რაც შეეხება, კორპორატიულ ბაზარს, კომპანიებისთვისაც მნიშვნელოვანია იცოდნენ, თუ რა სარგებელი აქვს ლიცენზირებულ პროგრამებს, თუნდაც ადამიანური რესურსის ხარჯის შემცირების მხრივ, ის აიტი სპეციალისტი, რომელიც ემსახურება კომპიუტერს, საკმაოდ ნაკლებ დროს ხარჯავს ლიცენზირებული პროგრამების არსებობის შემთხვევაში. გარდა ამისა, უნდა იცოდნენ რომ მეკობრული პროგრამულიუზრუნველყოფის შემთხვევაში, ისინი მუდამ საფრთხის წინაშე დგანან, მთავარი არგუმენტი მაინც არის დაცულობა. გარდა ამისა, შესაძლოა ერთ მშვენიერ დღეს ყველაფერი დაკარგონ. ლიცენზირებული პროგრამების გამოყენების შემთხვევაში დაცულია თქვენი კომპიუტერი, ზოგავთ დროს, რადგან აღარ გჭირდებათ დაუსრულებლად ხელახლა ინსტალირება, თქვენ ღებულობთ ყველა სიახლეს, რაც მოდის ვინდოუსზე.
მხოლოდ საინფორმაციო კამპანიებით და ასეთი მიდგომებით, შესაძლოა დაიცვან საკუთარი უფლებები კომპიუტერული პროგრამების მწარმოებელმა კომპანიებმა, ანუ ამისთვის აუცილებელია ჯერ საზოგადოება იყოს მომზამდებული, ხოლო შემდეგ არჩევანს თავად მოხმარებელი გააკეთებს"- აცხადებს „დპა"-ს დირექტორი.