2011 წელს საქართველოში 950 მილიონი დოლარის ინვესტიცია განხორციელდა. როგორც დღეს მთავრობის სხდომაზე პრემიერ-მინისტრმა ნიკა გილაურმა განაცხადა, 2011 წელს ქვეყანაში წინასწარი ინფორმაციით, პირდაპირმა ინვესტიციებმა 950 მილიონი დოლარი შეადგინა, თუმცა პრემიერის განმარტებით, საბოლოო ციფრი სავარაუდოდ 1 მილიარდ 100 მილიონ დოლარამდე გაიზრდება, რადგან ინვესტიციების სატატისტიკური აღრიცხვა მარტის ბოლომდე არ დასრულდება.
ამასთან პრემიერმა, მთავრობის სხდომაზე ეკონომიკურ ზრდასთან დაკავშირებითაც ისაუბრა და აღნიშნა, რომ იანვრში ეკონომიკური ზრდა, წინასწარი მონაცემები 5 პროცენტი იქნება, რაც კარგი ეკონომიკური მაჩვენებელია.
"თუ გავითვალისწინებთ მსოფლიო რეალობას საქართველოს ეკონომიკა კარგი ზრდის მაჩვენებლით ხასიათდება" - აღნიშნა გილაურმა.