შავი ზღვის ელექტროგადამცემი ქსელის (500/400 კს) მშენებლობა 2013 წლის დასაწყისში დასრულდება. როგორც სახელმწიფო ელექტროსისტემის ხელმძღვანელმა სულხან ზუმბურიძემ განაცხადა, პროექტს EC NIF-ი, KfW-ი, EBRD-ი და EIB-ი აფინანსებენ და პროექტის სავარაუდო ღირებულება 300 მლნ ევროა.
პროექტის ფარგლებში დაგეგმილია 500/400კვ-იანი ენერგოგადამცემი ხაზების მშებლობა, რეაბილიტაცია. პროექტის ფარგლებში ახალციხეში ახალი 500/400/220კვ ქვესადგურის აშენდება და, იმავდროულად, მოეწყობა 700 მვტ (შემდგომში -1050მვტ) სიმძლავრის მუდმივი დენის გარდამსახი სადგური.
პროექტის განხორციელებით ქვეყნის ენერგობალანსში ნამეტი ელექტროენერგიის ექსპორტი თურქეთის მიმართულებით გაიზრდება.
ზუმბურიძის განმარტებით, პროექტს ევროპის რეკონსტრუქციისა და განვითარების ბანკი (EBRD) 80 მლნ ევროთი აფინანსებს, ევროპის საინვესტიციო ბანკის (EIB) მიერ პროექტის განხორციელება 80 მლნ ევროთი დაფინანსდება, გერმანიის რეკონსტრუქციის საკრედიტო ბანკის (KfW) მიერ - 100 მლნ ევროთ, ხოლო პროექტში საქართველოს მთავრობის მონაწილეობა მხოლოდ 32 მლნ ევროთი შემოიფარგლება. იმავდროულად, პროექტს NIF-ი (ევროკავშირი) 8 მლნ ევროს მოცულობის გრანტით დააფინანსებს.
პროექტი სამ ეტაპად განხორციელდება და სსე-ს ინფორმაციით, A პაკეტი - 500 და 400 კვ ელექტრო გადამცემი ხაზების მშენებლობას, B პაკეტი - ქვესადგურების მშენებლობა, რეაბილიტაციასა და C პაკეტი - მუდმივი დენის ჩანართის მშენებლობას (Back to Back Station) ითვალისწინებს.
ზუმბურიძის განმარტებით, A პაკეტს ინდური კომპანია „KEC "-ი ახორციელებს და სახელმწიფოსა და „KEC "-ს კონტრაქტის ღირებულება - 55,9 მლნ ევროს შეადგენს.
B პაკეტს ავსტრიული SIEMENS-ი ახორციელებს, რომელსაც ამ მიმართულებით მუსაობის საკმაოდ დიდი გამოცდილება აქვს. ზუმბურიძის განმარტებით, კონტრაქტის ღირებულება 35,7 მლნ. ევროა. რაც შეეხება C პაკეტს მას გერმანული SIEMENS-ი ახორციელებს და პროექტის ღირებულება 133,8 მლნ ევროს შეადგენს.
როგორც ზუმბურიძე განმარტავს, შავი ზღვის ელექტროგადამცემი ქსელის მშენებლობის პროექტის 50 %-ზე მეტი უკვე შესრულებულია.