სს „თელასის" სამეთვალყურეო საბჭოს გადაწყვეტილებით კომპანიის გენერალურ დირექტორს იური პიმონოვს უფლებამოსილება შეუწყდა „ინტერ რაო ეეს"-ში კადრების როტაციასთან დაკავშირებით. სს „თელასის" გენერალურ დირექტორად ვადიმ მიტიუშინი დაინიშნა- „სამხრეთ კავკასიის და თურქეთის" გეორგაფიული დივიზიონის ხელმძღვანელი.
სამეთვალყურეო საბჭომ იური პიმონოვს მადლობა გამოუცხადა მრავალწლიანი შრომისა და კომპანიის განვითარებაში შეტანილი წვლილისთვის. მისი სს „თელასის " გენერალურ დირექტორის პოსტზე მოღვაწეობისას (2005 წლის ოქტომბრიდან) ჩატარდა მთელი რიგი სამუშაოები ქსელის ინფრასტრუქტურის მოდერნიზების და ახალი ტექნოლოგოების დანერგვის კუთხით, რამაც, საბოლოო ჯამში გააუმჯობესა კომპანიის მუშაობის და აბონენტთა მომსახურების ხარისხი. იური პიმონოვი მუშაობას კომპანია „ინტერრაო ეეს"ში გააგრძელებს.
ვადიმ მიტიუშინმა მოსკოვის სახლემწიფო სამშენებლო უნივერსიტეტი ინჟინერ-ეკონომისტის სპეციალობით 1995 წელს დაამთავრა. არის ეკონომიკურ მეცნიერებათა კანდიდატი. 2010 წელს დაინიშნა „ინტერ რაო ეეს"-ის კაპიტალური მშენებლობისა და ინჟინერინგის ცენტრის ხელმძღვანელის მოადგილედ. მანამდე ღია სააქციო საზოგადოება „აღმოსავლეთის ენერგეტიკული კომპანიის" გენერალური დირექტორის მოადგილის თანამდებობა ეკავა. „აღმოსავლეთის ენერგეტიკული კომპანია" „ინტერ რაო ეეს"-ის კომპანიათა ჯგუფში შედის.
სს „თელასი" საქართველოს ერთერთი უმსხვილესი სადისტრიბუციო კომპანიაა, რომელიც ქ თბილისის 450 ათასზე მეტ მომხმარებელს ელექტროენერგიით უზრუნველყოფს. 2003 წლის აგვისტოში „თელასი" ჯგუფ „ინტერრაო ეეს"-ის შემადგენლობაში შევიდა. სს „თელასის" აქციათა 75% „ინტერრაო ეეს"-ს, ხოლო 25% -მდე სახლმწიფოს ეკუთვნის.
