ამასთან დაკავშირებით, ჩვენი სპეციალისტები მიმდინარე წელს აფხაზეთში ჩამოსვლას გეგმავენ, იმისათვის რათა ასწავლონ ინგლისური ენა და ასევე გააცნონ თქვენს პედაგოგებს ახალი თანამედროვე მეთოდიკა", _ განაცხადა ელჩმა აფხაზ ჟურნალისტებთან საუბრისას.
თავის მხრივ შეხვედრის დასრულების შემდეგ ჩირკბამ ასევე განაცხადა: "ჩვენ ევროკავშირისა და აფხაზეთის ურთიერთქმედების საკითხები განვიხილეთ, ვისაუბრეთ ასევე საქართველოსთან კონფლიქტის ასპექტებზე.

მიმაჩნია, რომ ჩვენი აზრითაც არ შეიძლება აფხაზური საზოგადოების იზოლირება ევროპისგან. შეხვედრაზე ასევე განვიხილეთ პასპორტებისა და სამგზავრო დოკუმენტების საკითხი. წინ წამოვწიეთ საკითხი ბრიტანული ვიზების გაცემისა აფხაზეთის საზღვარგარეთის პასპორტებისათვის", _ აცხადებს ჩირიკბა და აღნიშმნავს, რომ სეპარატისტები მალე ბრიტანეთის საგარეო საქმეთა სამინისტროში შესაბამისი მიმართვის გაგზავნას აპირებენ. "იმედი გვაქვს, რომ იქ ჩვენს მიმართვას განიხილავენ", _ აცხადებს ე.წ. მინისტრი.