ჟალუზებისა და ტენტების მწარმოებელი კომპანია „დიო" უახლოეს პერიოდში ბაზარზე ახალ პროდუქტებს გამოიტანს. როგორც სააგენტო „ჯი-ეიჩ-ენთან" საუბრისას კომპანიის დამფუძნებელმა ირმა დაუშვილმა განაცხადა, ახალი სეზონიდან „დიო" საკუთარ მომხმარებლებს მზის დამცავ ალუმინის ჟალუზებს შესთავაზებს, რომელიც ძირითადად მაღალ შენობებზე იქნება ორიენტირებული.
დაუშვილის განმარტებით, პროდუქციის იმპორტი გერმანიიდან მოხდება. თუმცა ვიდრე „დიო" მზის დამცავ ალუმინის ჟალუზებს შესთავაზებს მომხმარებელს, მანამდე „დიოს" საწარმოში ახალი დანადგარები დამონტაჟდება.
ირმა დაუშვილის განცხადებით, ახალი პროდუქტი ძირითადად სასტუმროებზე და მაღალი საცხოვრებელ სახლებზე იქნება ორიენტირებული და ის ძირითადად პრემიუმ სეგმენტზე იქნება ორიენტირებული. „დიოს" დამფუძნებლის ინფორმაციით, ბაზარზე ახალი ჟალუზების გამოტანის შემდეგ „დიოს" გაყიდვები დაახლოებით 15 %-ით გაიზრდება.
შეგახსენებთ, რომ "დიო" - ეს არის მაღალი რეპუტაციის მქონე ქართული კომპანია, რომელიც 2004 წლიდან ფლობს ISO 9001:2008 ხარისხისა და მენეჯმენტის სერტიფიკატს.
შპს,,დიო" უმაღლესი ხარისხის ევროპული მასალებისგან აწარმოებს შემდეგ პროდუქციას: PVC კარ-ფანჯრებსა და მზისგან დამცავ სისტემებს - ვერტიკალურ, ჰორიზონტალურ ფარდა-ჟალუზებს, ტენტებს, რომაულ ფარდებსა და ფარდა როლეტებს. აგრეთვე, ავტოფარეხის კარს დისტანციური მართვით, გარე დამცავ ჟალუზებს, ფრანგულ გასაჭიმ ჭერს, ჭიშკრის ძრავსა და შლაგბაუმებს.
,,დიოს" პროდუქციის მომხმარებლები არიან როგორც კერძო პირები, ასევე ადგილობრივი და საერთაშორისო ორგანიზაციები მთელი საქართველოს მასშტაბით.
შპს `დიო"-ს მფლობელობაშია ახალაშენებული, უმაღლესი ხარისხის თანამედროვე ტექნოლოგიებით აღჭურვილი ქარხანა საქართველოს დედაქალაქ თბილისში. კომპანიას აქვს რეგიონალური ოფისები საქართველოს სხვადასხვა ქალაქებში - ქუთაისში, ბათუმსა და თელავში.
