ნიუ-იორკის საფონდო ბირჟაზე, პირველად ისტორიაში, Apple-ს ერთი აქციის ფასმა 502 დოლარი შეადგინა. ჯერ კიდევ გასული წლის ივლისში Apple-ს ერთი აქციის შეძენა 400 დოლარად იყო შესაძლებელი.
ექსპერტების შეფასებით, Apple წარმატებით ინარჩუნებს ყველაზე ძვირადღირებული კომპანიის ტიტულს. ბოლო ინფორმაციის მიხედვით, Apple-ს აქციათა საერთო ღირებულებამ 468 მლრდ. დოლარს უკვე გადააჭარბა.
Apple-ს წარმატებასა და მის ფასს ის ინოვაციური ტექნოლოგიები განაპირობებს, რომელსაც კომპანია ხშირად სთავაზობს თავის კლიენტურას. როგორც ცნობილია, უახლოეს პერიოდში Apple-ი iPad3-ის პრეზენტაციას მოპაწყობს. აღსანიშნავია, რომ ახალი iPad3 3D ეკრანით იქნება აღჭურვილი.