ინვესტიციების მოზიდვის მიზნით მთავრობა გლობალური სარეკლამო კამპანიას იწყებს. ეროვნული საინვესტიციო სააგენტოს დირექტორის ქეთი ბოჭორიშვილის განმარტებით, უახლოეს პერიოდში მოხდება საქართველოს გლობალური სარეკლამო კამპანიის განხორციელება, ინვესტიციების მოზიდვის, ტურიზმისა და ღვინის პოპულარიზაციის მიზნით.
როგორც ბოჭორიშვილმა განმარტა, პრემიერ-მინისტრის გადაწყვეტილების შესაბამისად საინვესტიციო სააგენტოს დაევალა გლობალური სარეკლამო კამპანიის განხორციელება იმ ქვეყნებში საიდანაც ქვეყანას უნდა ინვესტიციების მოზიდვა.
მისივე ინფორმაციით სარეკლამო კამპანია წარიმართება იმ ქვეყნებში, რომელსაც საქართველოს მთავრობა კარგ საექსპორტო ბაზრებად განიხილავს და საიდანაც არის ტურისტების მაღალი ნაკადის შემოდინების კარგი ტენდენცია. სარეკლამო კამპანიის მსვლელობისას სააგენტო ითანამშრომლებს წამყვან სარეკლამო და მარკეტინგულ კომპანიებთან.
