საქართველოს ყველა რეგიონში ბიზნესფორუმების ჩატარება იგეგმება. როგორც ეროვნული საინვესტიციო სააგენტოს დირექტორმა ქეთი ბოჭორიშვილმა განაცხადა, ასეთი ბიზნესფორუმების მოწყობა მიზნად ისახავს ქართული კომპანიების დაინტერესებას - გააფართოვონ საკუთარი ბიზნესი და განიხილონ რეგიონებში არსებული საინვესტიციო შესაძლებლობები.
"პირველი საინვესტიციო ფორუმი ჩატარდება შიდა ქართლში. მსგავსი ტიპის ფორუმები საქართველოს სავაჭრო-სამრეწველო პალატასთან თანამშრომლობით ყოველთვიურად გაიმართება ქვეყნის ერთ კონკრეტულ რეგიონში", - განაცხადა ბოჭორიშვილმა.