ეროვნული საინვესტიციო სააგენტო ბიზნესთან სექტორულ შეხვედრებს იწყებს. სააგენტოს დირექტორის ქეთი ბოჭორიშვილის განცხადებით, სააგენტოს სტრატეგიის ნაწილს სექტორული შეხვედრების მოწყობა წარმოადგენს.
„შეხვედრები მოეწყობა იმისათვის, რომ განვსაზღვროთ კომპანიების საჭიროებები და დავეხმაროთ სხვადასხვა მიმართულებით-ბიზნეს პარტნიორების მოძიებაში, საექსპორტო პროცედურებსა თუ ინვესტორების დაინტერესებაში"- აღნიშნა ქეთო ბოჭორიშვილმა.
როგორც ცნობილია 2012 წელს სააგენტო გეგმავს, წიაღისეულის, აზარტული თამაშების, ლოჯისტიკის, მძიმე მრეწველობისა და ფარმაცევტიკის სექტორების კვლევას და შემდგომ ინვესტორების დაინტერესებას. დაგეგმილია ასევე არსებული საინვესტიციო პორტფელის გაორმაგება 50 პროექტამდე. სააგენტო გააგრძელებს 2012 წელს განსაზღვრული პრიორიტეტული სექტორების მიხედვით საინვესტიციო პროექტების ინვესტორებისათვის შეთავაზებას და კვლავაც ფოკუსირდება შემდეგ სფეროებზე: უძრავი ქონება, ტურიზმის ინფრასტრუქტურის განვითარება, სოფლის მეურნეობა, საფეიქრო და კინო ინდუსტრიები. ყოველ კონკრეტულ სექტორში დაგეგმილია სხვადასხვა ღონისძიებები რაც წინა პლანზე წამოსწევს მათ საინვესტიციო პოტენციალს.