ეროვნული საინვესტიციო სააგენტოს ინფორმაციით, ზაფხულში პირველი ქართული უძრავი ქონების ფორუმი მოეწყობა. როგორც დღეს სააგენტო დირექტორმა ქეთი ბოჭორიშვილმა განაცხადა, ეროვნული საინვესტიციო სააგენტოს მიერ მოხდება წიაღისეულის, აზარტული თამაშების, ლოჯისტიკის, მძიმე მრეწველობისა და ფარმაცევტიკის სექტორების კვლევა და შემდგომ ინვესტორების დაინტერესება და შესაბამისი ფორუმების მოწყობა.
„2012 წლის ზაფხულში პირველი ქართული უძრავი ქონების ფორუმის ორგანიზებაა დაგეგმილი. დაგეგმილია ასევე არსებული საინვესტიციო პორტფელის გაორმაგება 50 პროექტამდე. სააგენტო გააგრძელებს 2011 წელს განსაზღვრული პრიორიტეტული სექტორების მიხედვით საინვესტიციო პროექტების ინვესტორებისათვის შეთავაზებას და კვლავაც ფოკუსირდება შემდეგ სფეროებზე: უძრავი ქონება, ტურიზმის ინფრასტრუქტურის განვითარება, სოფლის მეურნეობა, საფეიქრო და კინო ინდუსტრიები. ყოველ კონკრეტულ სექტორში დაგეგმილია სხვადასხვა ღონისძიებები რაც წინა პლანზე წამოსწევს მათ საინვესტიციო პოტენციალს"- განაცხადა ქეთი ბოჭორიშვილმა.