"Swarovski"-ს შვილობილი კომპანია ,,სვარკოსა" საქართველოში წარმომადგენლობას გახსნის. როგორც სააგენტო „ჯი-ეიჩ-ენს" რეგიონული განვითარებისა და ინფრასტრუქტურის სამინისტროდან აცნობეს, მინისტრი რამაზ ნიკოლაიშვილი, დღეს მსოფლიოში ცნობილი "Swarovski"-ს შვილობილი კომპანიების ,,სვარკოსა" და "დამბახის" ხელმძღვანელ პირებს ჰარალდ მუსილს, ანდრეას რეგს და იურგენ ვობსტს შეხვდა. ,,სვარკოსა" და "დამბახის" საქმიანობის ერთ-ერთი სფერო ავტომაგისტრალების კეთილმოწყობა და უსაფრთხოებაა. აღნიშნული კომპანიების მიერ, ულტრათანამედროვე ტექნოლოგიებზე დაყრდნობით, მზადდება და მონტაჟდება განათების და მოძრაობის მართვის სისტემები და საგზაო ნიშნები. მათ მიერ წარმოებული პროდუქცია მსოფლიოს 45 ქვეყანაში გამოიყენება. კომპანია "სვარკოსა" და სამინისტროს შორის წარმოებულმა ერთწლიანმა მოლაპარაკებებმა დადებითი შედეგი გამოიღო. კომპანია "სვარკომ" გამოყო ბიუჯეტი საქართველოში საკუთარ წარმოებისა და სამხრეთ კავკასიის რეგიონალური წარმომადგენლობის გახსნის მიზნით, რაც ქვეყანაში ათეულობით სამუშაო ადგილს შექმნის.
მასალის გამოყენების პირობები
