„ბათუმის ტურიზმის სააგენტო" გიდების გადამზადების პროექტს იწყებს. როგორც სააგენტო „ჯი-ეიჩ-ენს"„ბათუმის ტურიზმის სააგენტოს" დირექტორმა ეკა ჭანიშვილმა განუცხადა, პროექტი გაეროს განვითარების ფონდის (UNDP) მიერ ფინანსდება და მიზნად ისახავს აჭარის ტურიზმის დეპარტამენტისა და „ბათუმის ტურისტული სააგენტოს" თანამშრომლების გადამზადებას. პროექტის ფარგლებში, აჭარის რეგიონისათვის, 25 კვალიფიცირებული გიდის მომზადება მოხდება.
„გიდების შესარჩევი კონკურსი დღეს ტარდება. სულ შეირჩევა 25 გიდი, რომლებიც გაივლიან კვალიფიკაციას და კურსის წარმატებით გავლის შემთხვევაში გიდის სერთიფიკატს მიიღებენ. ორ კვიარიან ტრეინინგებზე ინგლისურ, რუსულ და თურქულ ენოვანი გიდები თეორიულად შეისწავლიან, როგორც გიდების უნარ-ჩვევებს ასევე მიიღებენ პრაქტიკულ გამოცდილებასაც. გამოცდილი ადგილობრივი გიდის თანხლებით ისინი შეისწავლიან თუ როგორ უინდა ჩაატარონ ბოტანიკური ბაღის, გონიოს ციხის, ბათუმის, მაღამთიანი აჭარის და ღვინის ტურები"- განუცხადა „ჯი-ეიჩ-ენს" ეკა ჭანიშვილმა.
ჭანიშვილის ინფორმაციით, პროექტი ბათუმის ტურიზმის სააგენტოს ორგანიზებით ტარდება, ხოლო ტრეინინგებს კომპანია "ნიუკასი" განახორციელებს.
როგორც „ბათუმის ტურიზმის სააგენტოში" აღნიშნავენ, ასეთი სახის პროექტები ხელს შეუწყობს ადგილობრივი კადრების დასაქმებას და ტურიზმის სფეროში კვალიფიცირებული კადრების მომზადებას. პროექტის ბიუჯეტი 6 ათასი ლარია.