მსოფლიოში ყველაზე პოპულარული სასმელის, Coca-Cola-ს წმინდა მოგება 2011 წლის შედეგების მიხედვით, 27 %-ით შემცირდა და 8,57 მლრდ. დოლარი შეადგინა. კომპანიის შემოსავლები კი, მოგების 3 მლრდ-ით შემცირების ფონზე, მესამედით გაიზარდა და 46,54 მლრდ. დოლარი შეადგინა. კომპანიის პროდუქციაზე მოთხოვნა კვლავ მაღალია, რაც შეეხება მოგების შემცირებას, ეს, ძირითადად, რეკონსტუქციასთან დაკავშირებულ ხარჯებს და ნედლეულზე გაზრდილ ხარჯებს უკავშირდება.
შეგახსენებთ, რომ სასმელი "კოკა-კოლა" ქალაქ ატლანტაში (შტატი ჯორჯია, შეერთებული შტატები) 1886 წლის 8 მაისს ჯონ სტიტ პემბერტონმა შექმნა. სასმელს სახელი პემბერტონის ბუღალტერმა მოუგონა. მას თავისი კალიგრაფია ჰქონდა და ლამაზად გამოყვანილი ასოებით დაწერა სიტყვა "Coca-Cola", რაც დღემდე კოკა-კოლას ლოგოტიპია. კოკა-კოლას უმთავრესი ინგრედიენტი იყო კოკაინის ფოთლების სამი წილი მცენარე კოლას თხილის ერთ წილზე.
