საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ მოქალაქეებს "ყაზტრანსგაზ-თბილისის" მიერ დარიცხული თანხები ჩამოაწერა. კომისიის ინფორმაციით, კომისიამ 8 თებერვლის სხდომაზე რამდენიმე დავა განიხილა და მოქალაქეებს შპს "ყაზტრანსგაზ-თბილისის" მიერ დარიცხული თანხები ჩამოაწერა. კერძოდ, ქეთევან ჯიქიას ჩამოეწერა 264.5 ლარი; ნანა სიხარულიძეს - 72.89 ლარი; დავით კუჭაშვილს - 360.82 ლარი; დავით ტაბატაძეს - 277.96 ლარი; მარინე რობიტაშვილს - 346.24 ლარი; მაია სანიკიძეს - 136.31 ლარი; ალექსანდრე ტალოევს - 1072.43 ლარი; რუსუდან დვალიშვილს - 962.18 ლარი; საშა კობერიძეს - 853.45 ლარი.
გარდა ამისა, ნუცა ფალავანდიშვილს ჩამოეწერა 360.8 ლარი, ხოლო კომპანიის მიერ მიღებული დადგენილება, გაფრთხილების სახით ადმინისტრაციული სახდელის დადების შესახებ, ძალაში დარჩა. რაც შეეხება ბიჭიკო ტოტოღაშვილსა და შპს "ყაზტრანსგაზ-თბილისს" შორის არსებულ დავას, კომისიამ მოქალაქის საჩივარი დააკმაყოფილა და მის მიმართ კომპანიის მიერ მიღებული დადგენილება გააუქმა.
