2012 წლის 1-ლი იანვრის მდგომარეობით, აჭარაში გაცემული სესხების 37 % ვაჭრობის სფეროზე მოდის. სესხების უდიდესი წილია ასევე გაცემული მშენებლობის სექტორზე, რომლის დაკრედიტებამაც რეგიონში მოქმედი ბანკებისა და მიკროსაფინანსო ორგანიზაციების მიერ გაცემული თანხის მოცულობის 14 %-ი შეადგინა.
აჭარის ფინანსთა და ეკონომიკის სამინისტროს ინფორმაციით, რაც შეეხება სხვა სფეროებს, ჯანდაცვა და სოციალური სფერო საერთო სესხების 8 %-ითაა დაკრედიტებული, სასტუმროებისა და რესტორნების ბიზნესი - 6 %-ით, სოფლის მეურნეობია - 4 %-ით, ოპერაციები უძრავი ქონებით 4 %-ით, ტრანსპორტი და კავშირგაბმულობა - 2 %-ით, მრეწველობა - 2 %-ით. განათლება 1 %-ით, ფინანსური შუამავლობა - 1 %-ით, ხოლო სხვა სფეროები 21 %-ითაა დაფინანსებული.
აჭარაში მოქმედი საფინანსო ინსტიტუტების მიერ 2011 წელს საერთო ჯამში 757 მლნ. 803 ათასი ლარი გაიცა. 2012 წლის 1-ლი იანვრის მონაცემებით, აჭარის ავტონომიური რესპუბლიკაში საფინანსო საქმიანობას 13 ბანკი და 6 მიკროსაფინანსო ორგანიზაცია ახორციელებს. როგორც სააგენტო "ჯი-ეიჩ-ენს" აჭარის ფინანსთა და ეკონომიკის სამინისტროში განუმარტეს, აღნიშნული საფინანსო ინსტიტუტების მიერ 2011 წელს საერთო ჯამში გაცემულ იქნა 757 მლნ. 803 ათასი ლარი. 2011 წელს აჭარაში გაცემული სესხების მოცულობა 59,5 %-ით აღემატება 2010 წელს გაცემული სესხების მოცულობას.
