საქართველოს კონტროლის პალატამ ფინანსური ანგარიში არასამეწარმეო იურიდიულ პირს - "რესპუბლიკურ ინსტიტუტს" და ორგანიზაციას "ახალი თაობა - ახალი ინიციატივა" მოსთხოვა. პოლიტიკური პარტიების ფინანსური მონიტორინგის სამსახურის ხელმძღვანელის ნათია მოგელაძის განცხადებით, აღნიშნულ ორგანიზაციებს ფინანსური ანგარიშის წარმოსადგენად შესაბამისი დოკუმენტაციაც გაეგზავნათ.
"მოქალაქეთა პოლიტიკური გაერთიანებების შესახებ საქართველოს ორგანული კანონის 261 მუხლის და 32-ე მუხლის მე-4 ნაწილის მოთხოვნებიდან გამომდინარე, დღეს საქართველოს კონტროლის პალატის ფინანსური მონიტორინგის სამსახურის მიერ, არასამეწარმეო იურიდიული პირის - „რესპუბლიკური ინსტიტუტის" ფინანსური ანგარიშბრუნვის წარმოდგენასთან დაკავშირებით, მოთხოვნები დაეგზავნა შესაბამის ადრესატებს.
ფინანსური საქმიანობის შესახებ ინფორმაციის წარმოდგენა დაევალა ასევე ორგანიზაციას „ახალი თაობა - ახალი ინიციატივა", რომელთან ასოცირებული პირები დღესაც ეწევიან პოლიტიკურ საქმიანობას. "", - აღნიშნულია მოგელაძის განცხადებაში.
ორივე სუბიექტს ანგარიშბრუნვის წარმოსადგენად სამი დღის ვადა განესაზღვრა