აჭარა Emitt-2012-ში მიიღებს მონაწილეობას. როგორც სააგენტო „ჯი-ეიჩ-ენს" აჭარის ტურიზმის დეპარტამენტიდან აცნობეს, რეგიონი მსოფლიოში ერთ-ერთ ყველაზე დიდ ტურისტულ გამოფენაში მონაწილეობის მისაღებად ემზადება. დეპარტამენტის ინფორმაციით, 9-12 თებერვლამდე სტამბოლში გაიმართება საერთაშორისო ტურისტული გამოფენა Emitt-2012.
გამოფენაზე ბათუმის და ართვინის გუბერნია ერთ საერთო სტენდზე იქნება წარდგენილი. ბათუმის სტენდს ოფიციალურად აჭარის მთავრობის თავმჯდომარე ლევან ვარშალომიძე და თურქეთის ტურიზმის და კულტურის მინისტრი ერთუღლურ გუნაი გაიხსნიან. აღსაღნიშნავია, რომ სტამბოლის გამოფენაში ბათუმის ტურიზმის დეპარტამენტთან ერთად კერძო სექტორის წარმომადგენლებიც მიიღებენ მონაწილეობას.
