„საქართველოს ბანკი" ახალი American Express Business საკრედიტო ბარათების ექსკლუზიურ გამოშვებას იწყებს. აღნიშნული ბარათები, ბიზნესის სექტორისთვის განკუთვნილი პირველი საკრედიტო ბარათები იქნება ქართულ ბაზარზე. ბანკი გამოუშვებს ორი ტიპის - American Express® Green Business და American Express Gold Business საკრედიტო ბარათებს. „საქართველოს ბანკი", ექსკლუზიურად უშვებს American Express ბარათებს საქართველოში და ასევე ახდენს სავაჭრო ობიექტების ჩართვას American Express-ის ქსელში.
American Express-ის ახალი საკრედიტო ბარათები სთავაზობენ ქართულ კომპანიებს მაქსიმალურ ფინანსურ კონტროლს, გადახდის მოქნილ სისტემას, უმაღლესი ხარისხის მომსახურებას და წვდომას მხოლოდ ხსენებული ბარათის მფლობელებისთვის განკუთვნილ შეთავაზებებზე. ამას თან ერთვის სამოგზაურო და შეძენილი ნივთის დაზღვევა. ბარათების გამოყენება შესაძლებელია კომპანიების ყოველდღიური საჭიროებებისთვის და სამოგზაურო ხარჯებისთვის, ისევე როგორც ნაღდი ფულის გამოსატანად ბანკომატებიდან და საქართველოს ბანკის სერვისცენტრებიდან. ბარათის ყოველი გამოყენებისას, კომპანიები დააგროვებენ Membership Rewards ქულებს, რომელთა გადაცვლაც შეუძლიათ საჭირო ნივთებსა და სერვისებზე. Membership Rewards ქულები დაგროვდება კომპანიის საერთო ანგარიშზე. American Express Business საკრედიტო ბარათების მფლობელებს ასევე ექნებათ წვდომა ბონუსპროგრამაზე Selects
TM, რომლის მეშვეობითაც მიიღებენ სპეციალურ შეთავაზებებს სავაჭრო ობიექტებში. კომპანიებზე დაშვებული იქნება საერთო საკრედიტო ლიმიტი, რომლის ფარგლებშიც მათ შეუძლიათ მოითხოვონ ბარათების მათთვის საჭირო რაოდენობა.
"საქართველოს ბანკისა" და American Express-ის წარმატებული თანამშორმლობა დღეს კიდევ ერთხელ აღინიშნა, ქართული ბაზრისთვის შექმნილი ახალი, ინოვაციური ბარათების გამოშვებით. ახალი American Express Green და Gold Business საკრედიტო ბარათები, სთავაზობს ბიზნესის მფლობელებს მნიშვნელოვან ფინანსურ თავისუფლებას, შესაძლებლობას ადვილად მართონ და შეამცირონ კიდეც მათი ხარჯები. ამავდროულად, ბარათის მფლობელებს ექნებათ წვოდმა American Express ბრენდთან დაკავშირებულ ყველა ძირითად ბენეფიტზე. ხსენებული საკრედიტო პროდუქტები მორგებულია მცირე და საშუალო, ასევე კორპორატიული კლიენტების მოთხოვნებზე და კიდევ ერხელ მიუთითებს ბანკის მისწრაფებაზე, შესთავაზოს ბიზნესის სექტორს გამორჩეული პროდუქტები",- განაცხადა „საქართველოს ბანკის" გენერალურმა დირექტორმა, ირაკლი გილაურმა.
„ჩვენ მოხარული ვართ, რომ საქართველოს ბანკთან თანამშრომლობით ვუშვებთ American Express Green და Gold Business საკრედიტო ბარათებს. American Express-ი განაგრძობს მუშაობას საქართველოს ბანკთან, მომხმარებლისთვის მეტი ღირებულების მომტანი, საუკეთესო პროდუქტების შესაქმნელად, რომლებიც დააკმაყოფილებენ ბიზნესის სექტორის მოთხოვნებს, ხოლო სავაჭრო ობიექტებისთვის - ლოიალური კლიენტების ბაზის ჩამოსაყალიბებლად. ახალი ბარათები გამოირჩევა უნიკალური მახასიათებლებითა და ბენეფიტებით, რომელიც გამოსაყენებლად იდეალურს ხდის მათ ბიზნესებისთვის, რომელთაც სურვილი აქვთ ეფექტურად და მოქნილად მართონ მათი ფინანსები", აღნიშნა American Express-ის გლობალური ქსელის მომსახურების ვიცე-პრეზიდენტმა ბიზნესის განვითარების მიმართულებით, ევროპაში, შუა აღმოსავლეთსა და აფრიკაში, კოლინ ო'ფლაერტმა.
American Express Business საკრედიტო ბარათების მთავარი ბენეფიტებია:
გადახდის მოქნილობა - ათვისებულ თანხაზე, ბარათები სთავაზობენ მფლობელს 36 დღიან უპროცენტო კრედიტს, რას საშუალებას აძლევს კომპანიებს, დროის განმავლობაში, მთლიანად დაფარონ მათი ბალანსი. ბარათის მფლობელებს შეუძლიათ გაანაღდონ თანხები როგორც საქართველოს ბანკის ბანკომატებსა და სერვისცენტრებში, ისე 800,000-ზე მეტ ბანკომატში მსოფლიოს მასშტაბით.
Membership Rewards - კომპანიებს დაერიცხებათ ერთი ქულა ყოველი ლარისთვის, რომელსაც ბარათის მფლობელები გახარჯავენ თავიანთი ბარათებიდან. ქულებს არასოდეს გასდის ვადა და კომპანიებს შუძლიათ ნებისმიერ დროს გადაცვალონ ქულები სამოგზაურო პაკეტებზე, ავიაბილეთებზე და კომპანიისთვის საჭირო სხვა მომსახურებასა და ნივთებზე.
Business Savings Program - ხსენებული პროგრამის მეშვეობით, რომელიც მოიცავს 50%-მდე ფასდაკლებას მომსახურებისა და სავაჭრო ობიექტებში, როგორიცაა სასტუმროები, რესტორნები და ყოველდღიური მოხმარების საგნების მაღაზიები, კომპანიებს შეუძლიათ შეამცირონ დანახარჯები. შეთავაზებები ვრცელდება როგორც საქართველოში, ისე საზღვარგარეთ.
§ სამოგზაურო, შენაძენებისა და არაავტორიზებული მოხმარების დაზღვევა. ბარათის მფლობელები სარგებლობენ ვრცელი სამოგზაურო დაზღვევით, რომელიც ფარავს სამედიცინო საჭიროებებთან და გადადებულ ან გაუქმებულ ფრენებთან დაკავშირებულ ხარჯებს. დაზღვევა შეესაბამება შენგენის ვიზის მოთხოვნებს. ბარათის მფლობელები ასევე მიიღებენ ბარათით, როგორც ინტერნეტში, ისე მაღაზიაში შეძენილი ნივთების დაზღვევას და დაცვას არაავტორიზებული მოხმარებისგან იმ შემთხვევაში თუ ბარათი მოიპარეს ან დაიკარგა.
მსოფლიო დონის მომსახურება - პროფესიონალთა გუნდი მოემსახურება ბარათის მფლობელებს 24 საათი დღეში, 7 დღე კვირაში და დაეხმარება ისეთ საკითხებში, როგორიცაა ავიაბილეთებისა და სასტუმროს დაჯავშნა, ასევე მხარდაჭერა საზღვარგარეთ მოგზაურობისას.
სპეციალური ბენეფიტები - ბარათის მფლობელები ავტომატურად ჩაერთვებიან American Express Selects პროგრამაში, რომლის მეშვეობითაც შესაძლებელია სპეციალური შეთავაზებებისა და ფასდაკლებების მიღება ყველაზე პოპულარულ რესტორნებში, სასტუმროებსა და სავაჭრო ობიექტებში, როგორც საქართველოში, ისე საზღვარგარეთ.
