„გაზპრომი" შესაძლოა პრივატიზებული იყოს, ამის შესახებ რუსეთის პრემიერ-მინისტრმა ვლადიმერ პუტინმა პოლიტოლოგებთან შეხვედრისას განაცხადა.
პუტინი მიიჩნევს, რომ „გაზპრომი" და სხვა ენერგეტიკული კომპანიები მათ შორის „როსნეფტი" შემდგომში უნდა გაიყიდოს.
„ოდესღაც ჩვენ თითქმის მოვახდინეთ „გაზპრომის" პრივატიზაცია, მაგრამ თქვენმა მონა-მორჩილმა დააბრუნა სახელმწიფოს კონტროლი „გაზპრომზე". ეს ცალკე დისკუსისს თემაა, მაგრამ ჩვენ ოდესღაც ჩვენ მაინც წავალთ იქეთ, რათა „გაზპრომი" სხვა რეჟიმში მუშაობდეს"- განაცხადა პუტინმა.
ექსპერტები მიიჩნევენ, რომ „გაზპრომის" პრივატიზაცია მისი მართვის ხარისხს გაზრდის.
მსოფლიოს ერთ-ერთი უდიდესი ენერგეტიკული კომპანიის აქციების 25 %-ი ამჟამად 45 მლრდ. დოლარადაა შეფასებული, ხოლო მსხვილი ინფრასტრუქტურული პროექტების დასრულების შემდეგ მისი ღირებულება 100 მლრდ იქნება.
ამჟამად სახელმწიფო ფლობს კომპანიის 50,002 %-ს. 7 პროცენტი ეკუთვნის „გაზპრომის" სტრუქტურებს, ხოლო 43 % თავისუფალ ბრუნვაშია.