სასტუმრო „ქორთიარდ მერიოტში" ნავთობპროდუქტების მწარმოებელთა, იმპორტიორთა და მომხმარებელთა კავშირის ორგანიზებით გაიმართა ნავთობკომპანიების დაჯილდოვების ტრადიციული ცერემონიალი.
ნომინანტებს შორის წარდგენილი იყო კომპანია „თეგეტა მოტორსი", რომელსაც გადაეცა ჯილდო როგორც „2011 წლის საუკეთესო ხარისხის მქონე კომპანიას ავტოპროდუქტებისა და სერვისის დარგში".
შესაბამის ნომინაციაზე კომპანიის წარდგენა უპირველეს ყოვლისა განაპირობა უმაღლესი ხარისხის ავტოპროდუქტებმა, სწორმა და მაღალკვალიფიციურმა მენეჯმენტმა და საერთაშორისო სტანდარტების სერვის ცენტრებმა, რომელთაც „თეგეტა მოტორსი" ათასობით ერთგულ მომხმარებელს სთავაზობს.
აღნიშნული ღონისძიება იყო ერთგვარი შეჯამება წლის განმავლობაში ნავთობპროდუქტების ბიზნეს სექტორში მიმდინარე მოვლენებისა.
ოფიციალური ცერემონიალის დაწყებამდე ცალკე დარბაზში ადგილი დაეთმო თითოეული კომპანიის სტენდს, სადაც განთავსებული იყო გამარჯვებული კომპანიების წლის მნიშვნელოვანი მოვლენების ამსახეველი სურათები, საინფორმაციო მასალები და სუვენირები.
ღონისძიებას ესწრებოდნენ საკანონმდებლო და აღმასრულებელი ხელისუფლების წევრები, საქართველოში აკრედიტირებული დიპლომატიური მისიების, სხვადასხვა ორგანიზაციებისა და ბიზნეს წრეების წარმომადგენლები.
ღონისძიებისთვის პრიზები დაამზადა ცნობილმა მოქანდაკე, ირაკლი წულუკიძემ. ოფიციალური ცერემონიალის შემდეგ გაიმართა ალა-ფურშეტი.
