საქართველოს ნავთობპროდუქტების მწარმოებელთა, იმპორტიორთა და მომხმარებელთა კავშირმა ნავთობსექტორში წარმატებული კომპანიების დაჯილდოვების ცერემონიალზე ვისოლი ხუთ ნომინაციაში დააჯილდოვა.
ნავთობპროდუქტების სექტორში ყველაზე მეტი, 3132 ადამიანი კომპანია ვისოლ ჯგუფს ჰყავს დასაქმებული. კომპანია ქვეყნის მასშტაბით 105 ავტოგასამართ სადგურს ფლობს, შესაბამისად, ის ავტოგასამართი სადგურების ყველაზე ფართო ქსელის მფლობელია საქართველოში. ვისოლმა საზოგადოებაზე მზრუნველი კომპანიის ტიტულიც მოიპოვა და ქართული სპორტის განვითარებაში შეტანილი წვლილისათვის დაჯილდოვდა. ვისოლ ჯგუფმა 25 მილიონ ლარამდე ინვესტიცია განახორციელა ქართული ფეხბურთისა და სხვა სპორტული სახეობების განვითარებისათვის.
”ჩვენ ორიენტირებულნი ვართ პროდუქციის ხარისხზე და ეს ყოველთვის ასე იქნება. ჩვენ კურსს არასოდეს არ შევცვლით. უკვე ტრადიციად იქცა, რომ ყოველ წელს ჩვენ გარკვეულ ნომინაციებში ვიმარჯვებთ. 2011 წელს კომპანია “ვისოლს” ყველა პარამეტრებში აქვს ზრდა. განსაკუთრებით გამოვყოფდი, რომ ასეულობით ახალი სამუშაო ადგილი შევქმენით. ასევე მნიშვნელოვანია ისიც, რომ ჩვენი ქსელი 2011 წელს მნიშვნელოვნად გავზარდეთ და რამდენიმე ახალი სადგური დავამატეთ. 2011 წელს ჩვენ მნიშვნელოვნად ვაქტიურობდით ასევე სოციალური კუთხითაც., რაც საბოლოოდ კომპანიის პარამეტრების ზრდაზეც აისახა”- განაცხადა “ვისოლის” სამეთვალყურეო საბჭოს თავმჯდომარემ სოსო ფხაკაძემ.
ნავთობპროდუქტების სფეროში ყველაზე წარმატებული კომპანიები საქართველოს ნავთობპროდუქტების მწარმოებელთა, მომხმარებელთა და იმპორტიორთა კავშირმა უკვე მერვედ დააჯილდოვა.
მასალის გამოყენების პირობები