დღეს, 3 თებერვალს, 19:00 საათზე, ნავთობპროდუქტების მწარმოებელთა, იმპორტიორთა და მომხმარებელთა კავშირის ორგანიზებით, "ქორთიარდ მერიოტში" უკვე მერვედ გაიმართება ცერემონიალი, სადაც დაჯილდოვდებიან 2011 წლის შედეგებით ნავთობპროდუქტების ბიზნესსექტორში მოქმედი კომპანიები სხვადასხვა ნომინაციაში.
მთავარი ნომინაციებია: 1. 2011 წელს ნავთობპროდუქტების სექტორში სახელმწიფო ბიუჯეტში ყველაზე მსხვილი გადამხდელი ორგანიზაცია; 2. კომპანია, რომელსაც ნავთობპროდუქტების ბიზნესსექტორში ყველაზე მეტი ადამიანი ჰყავს დასაქმებული; 3. ნავთობკომპანია, რომელმაც ყველაზე დიდი ინვესტიცია განახორციელა 2011 წელს საქართველოში და სხვ.
ნომინირებულ კომპანიებს შორის წარმოდგენილ არიან: "სოკარ ჯორჯია პეტროლეუმი", "ვისოლ პეტროლიუმ ჯორჯია", "რომპეტროლ საქართველო", "გალფ ჯორჯია"; "თეგეტა მოტორსი", "ჯი-თი გრუპი", "შავი ზღვის ტერმინალი" და სხვ..
ღონისძიებას დაესწრებიან საკანონმდებლო და აღმასრულებელი ხელისუფლების წევრები, საქართველოში აკრედიტირებული დიპლომატიური მისიების, სხვადასხვა ორგანიზაციის (მათ შორის საერთაშორისო) ბიზნესწრეების წარმომადგენლები, საზოგადოებისთვის ცნობილი სახეები.
