14-16 სექტემბერს უკრაინის ქალაქ ფეოდოსიაში ღვინის საერთაშორისო ფესტივალი WineFeoFest-ი გაიმართება. WineFeoFest-ი უკვე მეორედ ტარდება და გამოფენის ორგანიზატორების განმარტებით, წელს ფესტივალს გაცილებით მეტი მონაწილე ეყოლება.

„WineFeoFest-ის პრეზენტაციის შემდეგ, რომელიც კიევში, ლვოვში, ივანო-ფრანკოვში და ჩერნოვეცში გაიმართა ამ ღონისძიებით დაინტერესდნენ ალკოჰოლური სასმელების მწარმოებელი კომპანიები საქართველოდან, გერმანიიდან, ესპანეთიდან, თურქეთიდან, დასავლეთ და ცენტრალური უკრაინიდან. ფესტივალის ორგანიზატორებს ასევ სურთ გამოფენანზე მიიწვიონ ღვინის მწარმოებლები ბულგარეთიდან, აფხაზეთიდან, მოლდოვადან, სომხეთიდან და რუსეთიდან"- წერს kianews.com.ua ქალაქ ფეოდოსიას საიტზე დაყრდნობით.
იმავდროულად, ცნობილი ხდება, რომ უახლოეს პერიოდში „Winefeofest"-ის ჰიმნის შექმნაზე კონკურსი გამოცხადდება.
შეგახსენებთ, რომ პირველი საერთაშორისო ფესტივალი WineFeoFest-ი ფეოდოსიაში 2011 წლის 16-18 სექტემბერს გაიმართა.