დიდთოვლობამ დასავლეთ საქართველოს რამდენიმე რაიონს სერიოზული პრობლემები შეუქმნა. განსაკუთრებით რთული მდგომარეობაა წალენჯიხაში. მაღალმთიან სოფლებში აქ თოვლის საფარმა 1 მეტრს გადააჭარბა. ნალექის გამო დაზიანდა მაღალი ძაბვის გადამცემი 2 ხაზი.
დასავლეთ საქართველოში ელექტროენერგიის გარეშეა დარჩენილი 60 000-მდე ადამიანი. აქედან 15 000 წალენჯიხისა და ჩხოროწყუს მოსახლეობაა. განმწმენდითი სამუშაოები რეგიონში შეუჩერებლად მიმდინარეობს, მაგრამ დიდთოვლობის გამო გადამცემ ხაზამდე მისვლა ჯერ-ჯერობით ვერ ხერხდება. "ენერგო პრო ჯორჯიას" წარმომადგენლები დღის ბოლოსთვის ალტერნატიული ხაზის ჩართვას და მოსახლეობისთვის დენის მიწოდების აღდგენას გეგმავენ.