აჭარას ნახჭევანის ავტონომიის დელეგაცია სტუმრობს. აჭარის მთავრობის ინფორმაციით, აჭარაში ოფიციალური ვიზიტით აზერბაიჯანის ნახჭევანის ავტონომიის უმაღლესი მეჯლისის თავმჯდომარე ვასიფ თალიბოვი, საკანონმდებლო და აღმასრულებელი ხელისუფლების წარმომადგენლები იმყოფებიან. 11-წევრიანი დელეგაცია აჭარის ავტონომიური რესპუბლიკის თავმჯდომარემ, ლევან ვარშალომიძემ უკვე მიიღო. შეხვედრაზე ორ ავტონომიას შორის ურთიერთობის გაღრმავებასა და ერთობლივი პროექტების განხორციელებაზე ისაუბრეს. უახლოეს მომავალში კავშირების განმტკიცების მიზნით რეგიონში წარმომადგენლობები გაიხსნება, რომლებიც სხვადასხვა უწყებასთან აქტიურად ითანამშრომლებენ.
"ნახჭევანის ავტონომიის დელეგაცია აჭარაში პირველად იმყოფება.უმაღლესი მეჯლისის თავმჯდომარესთან გავიხილეთ როგორც კულტურული, ისე ეკონომიკური სფეროები. აქტიურად ვითანამშრომლებთ სოფლის მეურნეობისა და ტურიზმის კუთხითაც. სამი დღის განმავლობაში სტუმრებს ბათუმის ღირსშესანიშნაობებს დავათვალიერებინებთ. დაგეგმილი გვაქვს მაღამთიან აჭარაში სტუმრობაც. ასევე, გავაცნობთ რეგიონის ტურისტულ პოტენციალსა და ეკონომიკური გავითარების ეტაპებს", - განაცხადა ვარშალომიძემ.
