."ჯი-ეიჩ-ენი". საერთაშორისო სატრანსპორტო პროექტი „საკონტეინერო მატარებელი"- „ვიკინგი", რომელიც ლიტვურ პორტ კლაიპედადან უკრაინის ილიჩევსკის პორტის მიმართულებით იმოძრავებს, რეისებს კვირაში ორჯერ შეასრულებს, ხოლო დროგამოშვებით და საჭიროების შემთხვევაში ყოველდღეც იმუშავებს. „ვიკინგის" პროექტს გასულ წელს საქართველო და მოლდოვა შეუართდნენ, ხოლო პროექტში ჩართის სურვილი უკვე ოფიციალურად დააფიქსირეს აზერბაიჯანმა და სირიამ.
როგორც ცნობილია, "ვიკინგი" არის საკონტეინერო სარკინიგზო შემადგენლობა, რომელიც მეშვეობითაც ხორციელდება ტვირთების გადაზიდვა შავი ზღვის პორტ ილიჩევსკიდან, რომელიც უკრაინის სანაპიროზე მდებარეობს, ბალტიის ზღვაზე, კლაიპედას პორტში. ამჟამად საუბარია, რომ „ვიკინგმა" საქართველოს ტერიტორიაზეც გაიაროს.
მთავრობაში ვარაუდობენ, რომ "ვიკინგის" პროექტში მონაწილეობით გაიზრდება ტვირთბრუნვა საქართველოდან ბალტიის რეგიონის მიმართულებით. აღნიშნულ შეთანხმებასთან საქართველოს მიერთება აგრეთვე ხელს შეუწყობს სატრანსპორტო კავშირების ეფექტიანობის ამაღლებას; ბალტიის ზღვა - შავი ზღვის და უკუმიმართულებით ტვირთების გადაზიდვების ორგანიზებას; შეთანხმების მხარეთა სახელმწიფოების სარკინიგზო ტრანსპორტის მომსახურების საერთაშორისო ბაზარზე შეღწევის გაადვილების ხელშეწყობას; ტვირთების გადაზიდვისას სარკინიგზო ტრანსპორტის მომსახურების დამკვეთისათვის თანაბარი, არადისკრიმინაციული პირობების შექმნას;