საქართველოს პრეზიდენტი მიხეილ სააკაშვილი თავის ამერიკელ კოლეგას ბარაკ ობამას 30 იანვარს თეთრი სახლის ოვალურ დარბაზში შეხვდება. პრეზიდენტის პრეს-სპიკერის, მანანა მანჯგალაძის თქმით, შეხვედრის თემატიკა საკმაოდ მრავალფეროვანია და სასაუბრო საკითხების სპექტრი საკმაოდ ფართოა.
"ეს არის პირველი ოფციალური შეხვედრა მიხიელ საკაშვილსა და ბარაკ ობამას შორის. განსახილველ საკითხებს შორის არის ორმხრივი ურთიერთობები და საერთაშორისო უსაფრთხოების გამოწვევები. ქართული მხარე ყურადღებას გაამახვილებს იმ საკითხებზე, რომელიც არსებობს აშშ-სა და საქართველოს სტრატეგიული პარტნიორობის ქარტიის ფარგლებში. ეს საკითხებია თავდაცვა, უსაფრთხოება, დემოკრატიული რეფორმების გაძლიერება და თანამშრომლობა მთელ რიგ სფეროებში. საუბარი იქნება ასევე ეკონომიკურ, სავაჭრო და ხალხებს შორის არსებული კავშირების გაღრმავებაზე. ასევე კულტურის სფეროზეც", - განაცხადა მანჯგალაძემ.
მისი თქმით, აშშ-ს მხარდაჭერას გადამწყვეტი მნიშვნელობა ჰქონდა უკანასკნელი 20 წლის განმავლობაში საქართველოს დამოუკიდებლობისა და სუვერენიტეტისათვის. ასევე დემოკრატიული რეფორმებისთვის, ეკონომიკური განვითარებისთვის და წინსვლისთვის საქართველოს ნატოში გაწევრიანების გზაზე. მანჯგალაძის განცხადებით საქართველოს პრეზიდენტის ვიზიზი აშშ-ში რომელიც თვის ბოლოს შედგება საკმაოდ მრავალფეროვანი და დატვირთული იქნება.