დავით აღმაშენებლის ხეივნის მე-13 კმ-ზე მდებარე სუპერმარკეტ „სმარტში" გუდაურის საბაგირო გზის აბონემენტების გაყიდვა დაიწყო.
როგორც „ჯი-ეიჩ-ენს" კომპანიიდან აცნობეს, ზამთრის სპორტის მოყვარულებს საშუალება ეძლევათ, დაზოგონ დრო, თავი აარიდონ საბაგიროს სალაროსთან რიგში დგომას და თბილისშივე, გუდაურში მიმავალ გზაზე მდებარე „სმარტში" შეიძინონ საბაგიროს აბონემენტები კომფორტულ გარემოში.
"სმარტის" მომხმარებელს ასევე შეუძლია დააგემოვნოს უგემრიელესი ყავა და საკონდიტრო ნაწარმი „სმარტ" კაფიდან, რათა გაიხალისონ მგზავრობა განახლებული ზამთის კურორტისკენ."- აცხადებენ სმარტში.
დედაქალაქის გასასვლელში, აღმაშენებლის ხეივნის მე-13 კილომეტრზე ვისოლის ავტოგასამართ სადგურთან მდებარე სუპერმარკეტი „სმარტი" ერთი წლის წინ გაიხსნა. ყოველდღიური მოხმარების პროდუქტების ფართო არჩევანი და ზომიერი ფასები, კომფორტული კაფე სრული მომსახურებით, ინტერნეტ (WIFI) ზონა, აფთიაქი, ბანკომატი და სწრაფი გადახდის აპარატი მომხმარებელს სრულ კომფორტს უქმნის.