სახალხო კრების აღმასრულებელი საბჭოს გაფართოებულ სხდომას პარტია "თავისუფალი საქართველოს" ლიდერები კახა კუკავა და ალეკო შალამბერიძე დაესწრნენ.
კრების აღმასრულებელი საბჭოს გაფართოებულ სხდომაზე განხილული იქნა ქვეყანაში მიმდინარე პოლიტიკური პროცესები.
"სახალხო კრების" პრესსამსახურის ინფორმაციით, იმსჯელეს ასევე იმ კონკრეტული სამოქმედო გეგმებისა და ნაბიჯების შესახებ, რომელიც უნდა გადაიდგას, რათა რეალური გახდეს ხელისუფლების შეცვლა, სამართლიანი, არჩევნების ჩატარება და ქვეყნის განვითარების ნორმალურ კალაპოტში გადაყვანა.
"სახალხო კრების" აღმასრულებელი საბჭო მსგავს კონსულტაციებს და აქტიურ თანამშრომლობას გეგმავს როგორც პოლიტიკურ პარტიებთან, ისე საზოგადოებრივ ორგანიზაციებთან და საზოგადოების წარმომადგენლებთან.
