საარჩევნო სუბიექტები, რომლებიც 5% ბარიერს გადალახავენ საარჩევნო კამპანიაში დახარჯულ თანხას 15 დღის ვადაში მიიღებენ.
ახლი "საარჩევნო კოდექსის" თანახმად, საარჩევნო სუბიექტი, რომელიც საპარლამენტო არჩევნებისას გადალახავს 5-პროცენტიან საარჩევნო ბარიერს, საქართველოს სახელმწიფო ბიუჯეტიდან ერთჯერადად მიიღებს - არა უმეტეს 1 000 000 ლარსა, საარჩევნო კამპანიის ხარჯების დასაფარავად. მათ შორის, 300 000 ლარს მიზნობრივად წინასაარჩევნო სატელევიზიო რეკლამის ხარჯების დასაფარავად.
სახელმწიფო ბიუჯეტიდან საარჩევნო კამპანიის ხარჯების დაფინანსების მიზნით საარჩევნო სუბიექტმა წერილობით უნდა მიმართოს ცესკოს არჩევნებამდე არა უგვიანეს 38 დღისა.
რაც შეეხება საარჩევნო კამპანიაში დახარჯულ თანხებს, საარჩევნო სუბიექტის ანგარიშზე შესაბამისი თანხა ცესკოს არჩევნების შედეგების შემაჯამებელი ოქმის საფუძველზე უნდა ჩაირიცხოს არჩევნების შედეგების შეჯამებიდან არა უგვიანეს მე-15 დღისა.