აჭარის ბიუჯეტი 10 მლნ ლარით გაიზარდა. რეგიონის მთავრობამ, 2012 წლის ბიუჯეტში ცვლილებები შეიტანა და 2012 წლის ბიუჯეტი 115 მლნ. ლარის ნაცვლად 125 მლნ ლარით განისაზღვრა. გაზრდილი ბიუჯეტიდან 9 მლნ რეგიონში სოციალური სახლებისა მშენებლობას და ყოფილი საავადმყოფოების რეაბილიტაციისთვის დაიხარჯება. 1 მლნ. ლარი კი სპორტული ბაზებისა და სტადიონების მოწყობას მოხმარდება. როგორც ირკვევა, იძულებით გადაადგილებული, სოციალურად დაუცველი და მარტოხელა დედებისთვის ბათუმში ორი სოციალური სახლი აშენდება. პირველი და მეორე კატეგორიის ეკომიგრანტებისთვის კი, ქედასა და შუახევში ყოფილი საავადმყოფოები გარემონტდება. სამუშაოები წლის ბოლოს დასრულდება.