ლაგოდეხის მუნიციპალიტეტის ტერიტორიაზე სამორინეს თითოეულ სათამაშო მაგიდაზე კვარტალში 25 000 ლარის ოდენობით მოუწევთ გადახდა.
აღნიშნულთან დაკავშირებით ლაგოდეხის მუნიციპალიტეტის საკრებულომ დადგენილება უკვე მიიღო.
მიღებული გადაწყვეტილების თანახმად, სათამაშო ბიზნესის მოსაკრებლის განაკვეთების დიფერენცირება ხდება სათამაშო ბიზნესის სახეობის მიხედვით, რომელიც შემდეგნაირად განისაზღვრა: სამორინეს თითოეულ სათამაშო მაგიდაზე - კვარტალში 25 000 ლარის ოდენობით; თოთოეულ სათამაშო აპარატზე - კვარტალში 2500 ლარის ოდენობით; თითოეულ წამახალისებელ გათამაშებაზე - საპრიზო ფონდის 10%; სისტემურ-ელექტრონული ფორმით მოწყობილ თამაშობაზე - კვარტალში 50000 ლარის ოდენობით; ლატარიების მოწყობაზე -ლატარიის ბილეთების რეალიზაციიდან მიღებული ამონაგების
18 %; აზარტული ან/და მომგებიანი თამაშობის მოწყობის ნებართვით ორგანიზებული ობიექტის გარეთ განთავსებული, სისტემურ-ელექტრონული ფორმით მოწყობილი აზარტული ან/და მომგებიანი თამაშობის თითოეულ სალაროზე - კვარტალში 10000 ლარის ოდენობით.
აღნიშნული რეგულაციები მხოლოდ 2012 წლის 3 იანვრიდან წარმოშობილ ვალდებულებებზე ვრცელდება.