წელს ქობულეთში უკრაინული ინვესტიციით გახსნილ საკონსერვო ქარხანაში 10 000 ტონამდე მანდარინის გადამუშავებას გეგმავენ. საწარმომ ფერმერებისგან უკვე 1000–ტომანდე მანდარინი ჩაიბარა და კილოგრამში 12 თეთრი გადაიხადა. ციტრუსის ტრანსპორტირების ხარჯს მუნიციპალიტეტები ფარავენ.
აჭარის მთავრობის თავმჯდომარე, ლევან ვარშალომიძე ციტრუსის მიღებისა და გადამუშავების პროცესს გაეცნო. ამ ეტაპზე ქარხანამ 600 ტონა პიურე და 50 ტონა კონცენტრირებული წვენი აწარმოა. მალე პექტინის წარმოების ტექნოლოგიური ხაზიც ამოქმედდება.
"საწარმომ ფერმერებს არასტანდარტული ცირტუსის რეალიზაციასთან დაკავშირებული პრობლემები მოუხსნა. თუმცა, ინვესტორები მხოლოდ ამ კუთხით არ აპირებენ მუშაობას. ქარხანა მთელი წლის განმვალობაში დაიტვირთება და სხვადასხვა ხილისგან წვენებს, ეთერზეთებს და პიურეს დაამზადებს. ეს ჩვენს რეგიონში მუდმივად დასაქმებულთა რაოდენობასაც გაზრდის", – განაცხადა ლევან ვარშალომიძემ.
საწარმოში ამ ეტაპზე 100 კაცია დასაქმებული, რომელთა საშუალო ხელფასი 1070 ლარს შეადგენს. უკრაინელი ინვესტორი რეგიონში საკუთარი ციტრუსის მეურნეობის გააშენებს. აღსანიშნავია, რომ აჭარაში ფერმერებისგან არასტანდარტული ციტრუსს შპს "ციტრო" და "ნარინჯიც" იბარებს.
მასალის გამოყენების პირობები