თბილისის მერიის პროექტის ფარგლებში 2012 წლის იანვრიდან სადაზღვევო კომპანია "ჯიპიაი ჰოლდინგი" თბილისში მცხოვრებ 45 000 ადამიანს გაუწევს სადაზღვევო მომსახურებას. პროექტი ვრცელდება სოციალურად დაუცველ მოსახლეობაზე, რომელთა სარეიტინგო ქულა 70,000-დან 100,000-,დე და ასევე რამდენიმე სხვადასხვა კატეგორიაზე.
პროექტის ფარგლებში თბილისში 120,000-ზე მეტი ადამიანი დაეზღვა. სადაზღვევო კომპანიები მერიის მიერ გამოცხადებული ტენდერის საფუძველზე შეირჩა. "ჯიპიაი ჰოლდინგმა" გლდანი-ნაძალადევის რაიონში გაიმარჯვა და 45,000 დაზღვეულს მოემსახურება.
„მერიის პროგრამით დაზღვეულები საკმაოდ მრავალფეროვანი სადაზღვევო პაკეტით ისარგებლებენ. დაზღვევა 100%-ით აფინანსებს გადაუდებელ და გეგმიურ ჰოპიტალური მომსახურების ხარჯებს. პოლისში ასევე შედის ონკოლოგიური დაავადებების მკურნალობასთან დაკავშირებული ხარჯების ანაზღაურება. ასევე ანაზღაურდება მშობიარობის, სასწრაფო დახმარების ხარჯები, მედიკამენტების ხარჯების ნაწილი."- განაცხადა სადაზღვევო კომპანია ჯიპიაი ჰოლდინგის საზოგადოებასთან ურთიერთობის სამსახურის უფროსმა, თინათინ სტამბოლიშვილმა.
"ჯიპიაი ჰოლდინგის" დაზღვეულები საცხოვრებელი ადგილის მიხედვით მიიღებენ ამბულატორიულ მომსახურებას. სერვისი გაუმჯობესების მიზნით , სპეციალურად მერიის პროგრამით დაზღვეულებისთვის, გლდანში გაიხსნება სერვის-ცენტრი. იმუშავებს ასევე 24 საათიანი ცხელი ხაზი - 2 505 111.
სადაზღვევო კომპანია ჯიპიაი ჰოლგინდის ჯანმრთელობის დაზღვევით საქართველოში მცხოვრები 200 000-მდე სოციალურად დაუცველი მოქალაქე სარგებლობს. მხოლოდ გასულ წელს სოციალური პროგრამის ფარგლებში "ჯიპიაი ჰოდლინგმა" 14 მილიონ ლარამდე აუნაზღაურა თავის დაზღვეულებს.