საერთაშორისო სტანდარტების შესაბამისი, თანამედროვე ტექნიკით აღჭურვილი სასწავლო კომპლექსი ფინანსთა სამინისტროს აკადემიაში უახლოეს მომავალში ამოქმედდება. აკადემიის ინფორმაციით, კომპლექსი აერთიანებს სასწავლო აუდიტორიებს, საკონფერენციო დარბაზს, ენებისა და კომპიუტერულ ცენტრებს. სადაც მსმენელებს კომფორტული ტრეინინგ-გარემო ელოდებათ. თეორიულ საკითხებთან ერთად აკადემია ორიენტირებულია პრაქტიკულ სწავლებაზე.
აკადემიის მთავარი პრიორიტეტი ფინანსთა სამინისტროს სისტემის თანამშრომელთა მომზადება და კვალიფიკაციის ამაღლებაა. თუმცა ამის პარალელურად აკადემიაში სწავლა ყველა მსურველს შეუძლია. აკადემია სპეციალურ მომსახურებას ბიზნეს სექტორის წარმომადგენლებს, საჯარო უწყებებს, უმაღლეს სასწავლებლებსა და ნებისმიერ დაინტერესებულ პირს სთავაზობს.
აკადემიაში შესაძლებელია როგორც საგადასახადო, საბიუჯეტო და საფინანსო საკითხების შესწავლა. ასევე მენეჯმენტის, უნარ-ჩვევების, ბიზნეს-ინგლისურის, კომპიუტერული და სხვა ნებისმიერი მოთხოვნის სასწავლო პროგრამების გავლა. კორპორატიული დაკვეთების შემთხვევაში აკადემიის ექსპერტები პირველ რიგში შეისწავლიან ორგანიზაციის მოთხოვნებს და შემდგომ, მათი საჭიროებების შესაბამისად მუშავდება კონკრეტული სასწავლო კურსი. მომსახურება გათვლილია როგორც დამწყებ ბიზნესმენებზე, ასევე მსხვილ კომპანიებზე - ვისაც უკვე აქვს წარმატებული ბიზნესის კეთების გამოცდილება. სასწავლო კომპლექსი 160 მსმენელზეა გათვლილი.