საქართველოს სტატისტიკის ეროვნული სამსახურის ბიზნეს სტატისტიკის სამმართველომ საწარმოთა (არაფინანსური კორპორაციების სექტორი) 2011 წლის IV კვარტალის გამოკვლევა დაიწყო.
გამოკვლევას ექვემდებარება ქვეყანაში მოქმედი ყველა მსხვილი საწარმო, ხოლო საშუალო და მცირე საწარმოების გამოკვლევა ხორციელდება შერჩევით (სულ დაახლოებით 8500 საწარმო).
აღნიშნული გამოკვლევის შედეგად საქსტატი არაუგვიანეს 2012 წლის 5 მარტისა გამოაქვეყნებს ბიზნეს სექტორის 2011 წლის IV კვარტალის საქმიანობის ამსახველ ეკონომიკურ მაჩვენებლებს სხვადასხვა ჭრილში. ესენია: ბრუნვა, პროდუქციის გამოშვება (ფულად და ნატურალურ გამოსახულებებში), დასაქმებულთა და დაქირავებულთა რაოდენობა, საშუალო თვიური ხელფასი, ინვესტიციები ფიქსირებულ აქტივებში, შემოსავლებისა და ხარჯების კლასიფიკაცია და სხვა. საწარმოთა (არაფინანსური კორპორაციების სექტორი) 2011 წლის IV კვარტლის გამოკვლევა თვის ბოლომდე გასტანს.