5 ათასზე მეტი ნივთი ლეგენდარული "ტიტანიკიდან" აუქციონზე პირველად გაიყიდება. აუქციონი ნიუ-იორკში აპრილის შუა რიცხვებში - ბრიტანული ლაინერის დაღუპვიდან ზუსტად 100 წლის შემდეგ გაიმართება. აუქციონი დაგეგმილია დაახლოებით ერთნახევარი კილომეტრის დაშორებით პორტიდან, სადაც, რომ არა კატასტროფა "ტიტანიკს" ღუზა უნდა ჩაეშვა.
აუქციონის სახლმა გამოტანა ნივთების სრული კოლექცია, რომელიც გემის დაღუპვის ადგილას 4 კმ სიღრმეში აღმოაჩინეს. ნივთები გაიყიდება როგორც ერთიანი კოლექცია. ექსპონატებს შორისაა "ტიტანიკის " კორპუსის დიდი ფრაგმენტი.
"ტიტანიკი" თავის დროის ყველაზე დიდი სამგზავრო ლაინერია - რომელიც 1912 წლის 15 აპრილს მის პირველივე რეისზე ჩრდილო ატლანტიკის ყინულოვან წყლებში აისბერგთან შეჯახების შედეგად ჩაიძირა, დაიღუპა ათას ხუთასზე მეტი ადამიანი.
გემის ნარჩენები აღმოაჩენეს 1985 წელს. ორი წლის შემდეგ პირველად გახდა შესაძლებელი ოკეანის სიღრმიდან ამოეღოთ რამოდენიმე ნივთი, დაკავშირებული ლეგენდარულ ლაინერთან. ბოლო 25 წლის განმავლობაში ამოიღეს და აღადგინეს 5000 რელიქვია. რამდენიმე წლის წინ კოლექცია 189 მილიონ დოლარად იყო შეფასებული.