მსოფლიო ბანკის 2010 სტატისტიკური შესაძლებლობების ინდექსის (2010 Statistical Capacity Indicator) მონაცემებით, საქართველოს სტატისტიკური სისტემა 2010 წელს შეფასებულია 100-დან 94 ქულით. შედარებისთვის _ 2004 წელს აღნიშნული მონაცემით საქართველო სტატისტიკის სისტემა შეფასდა 67 ქულით, ხოლო 2009 წელს 88 ქულით. განვითარებადი ქვეყნების საშუალო მაჩვენებელი 65 ქულას შეადგენს; როგორც დღეს 2011 წლის შეფასებისას, ”საქსტატის” ხელმძღვანელობამ აღნიშნა, საქართველოში ეკონომიკური და ფინანსური სტატისტიკის ხარისხის შემოწმების მიზნით საქსტატში, ფინანსთა სამინისტროში და ეროვნულ ბანკში იმუშავა საერთაშორისო სავალუტო ფონდის ROSC-ის მისიამ; მსოფლიო ბანკის დახმარებით შემუშავდა სტატისტიკის განვითარების პირველი ეროვნული სტრატეგია; დაიწყო 3 წლიანი პროექტი შვედეთის სტატისტიკასთან, რომელიც დაფინანსებულია შვედეთის საერთაშორისო განვითარების სააგენტოს (SIDA) მიერ; აშშ სოფლის მეურნეობის დეპარტამენტის დახმარებით განხორციელდა სოფლის მეურნეობის კვლევის მონიტორინგი; ორმხრივი საერთაშორისო თანამშრომლობა (ნიდერლანდები, პოლონეთი, ლიტვა).