2011 წლის ბოლოს შემუშავდა და საქსტატის საბჭოს გადაწყვეტილებით განახლდა ინფლაციის დათვლის სამომხმარებლო კალათა, რომელიც ეფუძნება ეროვნულ ანგარიშთა სისტემით განსაზღვრულ მოხმარების სტრუქტურას. როგორც დღეს ”საქსტატის” ხელმძღვნელმა განმარტა, კალათის განახლება განხორციელდა ევროსტატის რეკომენდაციის საფუძველზე. განახლებული კალათა ასახავს მოსახლეობის დანახარჯების უახლეს სტრუქტურას და უფრო საიმედოს ხდის ინფლაციის მაჩვენებელს; წელსვე, USAID World Learning-ის დახმარებით ინფლაციის საველე სამუშაოებში პირველად დაინერგა მინი კომპიუტერებით ფასების აღრიცხვა; პარტნიორ ორგანიზაციებთან თანამშრომლობის შედეგად, გაუმჯობესდა შერჩევის ბაზა ბიზნეს სტატისტიკაში, სოფლის მეურნეობის სტატისტიკურ გამოკვლევაში და შინამეურნეობების ინტეგრირებულ გამოკვლევაში; ”საქსტატის” თანამშრომლებს ჩაუტარდათ ტრენინგი რამდენიმე მიმართულებით (შვედეთის სტატისტიკა, ამერიკის სოფლის მეურნეობის დეპარტამენტი, მილენიუმის განვითარების პროგრამა); ”განხორციელდა ძირითად კაპიტალში განხორციელებული ინვესტიციების დეტალური გამოკვლევა, რაც საშუალებას მოგვცემს 2012 წლის პირველი ნახევრისთვის მოხდეს კაპიტალის ანგარიშის ფორმირება”- აცხადებენ ”საქსტატში”. წელსვე საქართველოს საერთაშორისო შედარებების პროგრამაში (IჩP) მონაწილეობისთვის ჩატარდა შესაბამისი საველე სამუშაოები.