2011 წელს, აჭარის ფინანსთა და ეკონომიკის სამინისტრომ, პირობებიანი ელექტრონული აუქციონისა და პირდაპირი მიყიდვის ფორმით 48 ობიექტი გაყიდა. სამინისტროს ინფორმაციით, საპრივატიზებო პირობად განისაზღვრა არანაკლებ 191 მლნ. 625 ათასი ლარის ინვესტიციის განხორციელება. ინვესტორსა და სახელმწიფოს შორის გაფორმებული ხელშეკრულების მიხედვით, რეგიონში ახალი საწარმოები შეიქმნებ, სადაც რეგიონში მცხოვრები საქართველოს მოქალაქეები დასაქმდებიან.
სამინისტროს ანგარიშში აღნიშნულია, რომ 2011 წელს ვალდებულება შესრულებულად ჩაეთვალა სხვადასხვა პერიოდში პრივატიზებულ 15 ობიექტის მყიდველს. გაიხსნა "აჭარული ღვინის სახლი", სადაც ხდება ყურძნის ჩაბარება და ჩხავერის ჯიშის ღვინოს ჩამოსხმა, სამედიცინო საგანმანათლებლო დაწესებულებები, ტურისტული ინფრასტრუქტურის ობიექტები და კინო თეატრი, აღნიშნულ ობიექტებში განხორციელებული ინვესტიციების ოდენობამ120 მლნ. 424 ათას 543 ლარი შეადგინა.