2011 წელს აჭარაში 149 მლნ დოლარის ინვესტიცია განხორციელდა, რაც 1,4%-ით მეტია 2010 წელს რეგიონში განხორციელებულ ინვესტიციებთან შედარებით. როგორც სააგენტო ”ჯი-ეიჩ-ენს” აჭარის ფინანსთა და ეკონომიკის სამინისტროში განუმარტეს, 2010 წელს რეგიონში 147 მლნ. დოლარის ინვესტიცია განხორციელებული.
სამინისტროს ინფორმაციით, 2011 წელს განხორციელებული 149 მლნ. დოლარის ინვესტიციიდან 44 მლნ. ადგილობრივი, ხოლო დარჩენილი 105 მლნ დოლარი უცხოური კაპიტალია.
აჭარის ფინანსთა და ეკონომიკის სამინისტროს ინფორმაციით, 2011 წელს რეგიონში განხორციელებული ინვესტიციებიდან უდიდესი ნაწილი 44 %-ი ტურიზმზე მოდის. სტატისტიკური ინფორმაციის მიხედვით, 2011 წელს აჭარაში ტურიზმის სექტორში ინვესტირებულია 65 მლნ. დოლარი, მშენებლობის სექტორში - 47 მლნ. დოლარი, მრეწველობაში - 36 მლნ. დოლარი. ტრანსპორტსა და კავშირგამბულობის დარგი 2011 წელს ინვესტირების მხრიდან მხოლოდ 1 მლნ. დოლარით დაფინანსდა.
რაც შეეხება სხვა დარგებს, 2011 წელს, მათ მხოლოდ 1 მლნ. დოლარის კაპიტალი შეიძინეს.
”აჭარის რევოლუციის” შემდეგ, რეგიონში განხორციელებული ინვესტიციების მოცულობამ კი 1 მლრდ. 56 მლნ. დოლარი შეადგინა.
მასალის გამოყენების პირობები