აჭარის 2011 წლის ბიუჯეტი 8,6 %-იანი გადაჭარბებით შესრულდა. როგორც სააგენტო "ჯი-ეიჩ-ენს" ფინანსთა და ეკონომიკის სამინისტროში განუმარტეს, აჭარის 2011 წლის ბიუჯეტი 108.6 %-ით შესრულდა. იანვარ-დეკემბირის ბიუჯეტის გეგმა 152 მლნ. 938 ათას 900 ლარი იყო, თუმცა წლის ბოლოს შესრულებამ 166 მლნ. 133 ათას 100 ლარი შეადგინა.
სამინისტროს ინფორმაციით, აჭარის 2011 წლის ბიუჯეტის გადასახადების მუხლი 107.5 %-ით შესრულდა, სხვა შემოსავლების მუხლი 130.8 %-ით, ხოლო არაფინანსური აქტივების მუხლი მხოლოდ 97.5 %-ითაა შესრულებული.
აჭარის ფინანსთა და ეკონომიკის სამინისტროს ინფორმაციით, ყველაზე დიდი გადაჭარბებით, რეგიონის მუნიციპალიტეტებიდან შუახევის ბიუჯეტი 177 %-ით შესრულდა, ბათუმის ბიუჯეტი 124.2 %-ით, ხულოს ბიუჯეტი - 111.3 %-ით, ხელვაჩაურის ბიუჯეტი - 110.1 %-ით, ქედას ბიუჯეტი - 104.3 %-ით, ხოლო ქობულეთის ბიუჯეტი - 102.9 %-ითაა შესრულებული.