"2011 წელს ყველა მნიშვნელოვან რეფორმად შეიძლება ჩაითვალოს განათლება და ჯანდაცვა. ორივე მინდა აღვნიშნო, რადგან ორივე ტოლფასი რეფორმებია. განათლება იმიტომ, რომ სკოლის რეფორმა დასრულდა და ჯანდაცვა იმიტომ, რომ ჯანდაცვის რეფორმა დაიწყო და მომავალ წელს დასრულდება. ორივე ძალიან რთული იყო. გარკვეული ხარვეზები რა თქმა გვქონდა, გარკვეული პრობლემები იყო მაგრამ, მივიჩნევ, რომ ორივეში სერიოზული წარმატება გვექნება, რომელსაც საზოგადოება დაინახავს. ყველა რეფორმას, გარკვეული დრო სჭირდება, რათა ეს რეფორმა იყოს აღქმული იყოს საზოგადოების მიერ", - განაცხადა გილაურმა.

გილაური საქართველოს ეკონომიკისთვის ყველაზე მნიშვნელოვან ფაქტად კი "ფიჩის" რეიტინგში საქართველოს "BB-"-მდე დაწინაურებას მიიჩნევს.

"რაც შეეხება ფაქტებს. ყველაზე მნიშვნელოვან ფაქტად საქართველოს ეკონომიკისთვის მივიჩნევ, BB--მდე დაწინაურებას. ეს არის არა კონკრეტულად რომელიმე სფეროს შეფასება, არამედ ეს არის ქვეყნის ეკონომიკის, ქვეყნის ეკონომიკური პოლიტიკის და ქვეყნის გეოპოლიტიკის შეფასება. ეს არის შეფასება იმისი თუ რამდენად მაღალია ან დაბალია ქვეყნის რისკები", - აღნიშნა პრემიერმა.