საქართველოს კომუნიკაციების ეროვნულ კომისიაში დღეს გამართულ სხდომაზე რადიოსიხშირული სპექტრით სარგებლობის ლიცენზიის მისაღებად აუქციონი გამოცხადდა.
შპს "იგრიკა"ქ. თბილისში, ალ. ყაზბეგის გამზ. №47-ში განთავსებული სტუდიიდან მთაწმინდის სატელევიზიო ანძამდე; მთაწმინდის სატელევიზიო ანძიდან შპს „გლობალ კონტაქტ კონსალტინგის" სათაო სადგურამდე; მობლური სადგურიდან მთაწმინდის სატელევიზიო ანძამდე და მთაწმინდის სატელევიზიო ანძიდან ქ.თბილისში, ალ. ყაზბეგის გამზ. №47-ში განთავსებული სტუდიამდე რადიოსარელეო კავშირისათვის რადიოსიხშირული სპექტრით სარგებლობის ლიცენზიის მისაღებად აუქციონის გამოცხადებას ითხოვს.
აუქციონი საქართველოს კომუნიკაციების ეროვნულ კომისიაში 31 იანვარს 13:00 საათზე გაიმართება. ლიცენზიის მაძიებლების განცხადებების მიღება 16 იანვრის 17:00 საათამდე იწარმოებს.
ლიცენზიის საწყისი ღირებულება 8 720 ლარით 60 თეთრით განისაზღვრა, აუქციონზე ერთი ბიჯი 436 ლარი იქნება.
