პრემიერ-მინისტრს იმედი აქვს, რომ შესანახი მეურნეობების ინდუსტრიის განვითარების ხარჯზე, იმპორტს ადგილობრივი პროდუქცია ჩანაცვლდება.
როგორც წლის შემაჯამებელ შეხვედრაზე ნიკა გილაურმა განაცხადა,
2011 წელი სოფლის მეურნეობისთვის რთული იყო, თუმც იყო წარმატებებიც.
"პირველ რიგში მინდა ხაზი გავუსვა შესანახი მეურნეობების შექმნას, რომელიც აქამდე არ არსებობდა. წელს შესანახი მეურნეობები დაახლოებით 20 ათას ტონაზე შეიქმნა, რაც მცირეა თუმც კიდევ გაიზრდება. რეალურად სეზონი, ხილზე თუ ბოსტნეულზე 2-3 თვემდე გრძელდება და ამ პერიოდში მისი ფასი დაბალია. ამიტომ გლეხი იღებს შედარებით დაბალ შემოსავალს. თუმცა როდესაც სეზონი გადის, პროდუქციის ფასი იზრდება, რადგანაც შემოდის იმპორტირებული პროდუქცია. ძირითად მოგებას იღებენ მაინც იმპორტიორები და არა ჩვენი გლეხები. ეს კი ხდებოდა იმიტომ რომ არ არსებობდა ახალი ტექნოლოგიები და შესანახი მეურნეობები, მაშინ როდესაც ასეთი მეურნეობები არსებობდა ჩვენს მეზობელ თურქეთში და ჩვენს მეზობელ სომხეთშიც კი. შესანახი მეურნეობების ინდუსტრიის განვითარებასთან ერთად პრობლემა აღმოიფხვრება და იმპორტს ადგილობრივი პროდუქცია ჩაენაცვლდება", - განაცხადა ნიკა გილაურმა.