საქართველოს პრემიერ-მინისტრი ნიკა გილაური 2011 წელს მთავრობის მუშაობას და გატარებულ ეკონომიკურ პოლიტიკას დადებითად აფასებს. პრემიერ-მინისტრი აცხადებს, რომ 2011 წელს მსოფლიოს მრავალმა ქვეყანამ ეკონომიკური ზრდის პროგნოზი შეამცირა, საქართველომ კი 0,5 %-ით გაზარდა.
"მსოფლიო ეკონომიკური კრიზისის მიუხედავად, საქართველოს უფრო მაღალ მშპ-ს აფიქსირებს ვიდრე ეს წინასწარ იყო პროგნოზირებული. ვართ ერთ-ერთი გამონაკლისი ქვეყანა, რომელმაც პროგნოზი გავზარდეთ. წლის დასაწყისში სავალუტო ფონდმა ფონდმა და ჩვენმა ექსპერტებმა განსაზღვრეს, რომ 2011 წელს საქართველოს ეკონომიკა 5,5 %-ით გაიზრდებოდა. თუმცა მესამე კვარტალში მსოფლიოს სხვადასხვა ქვეყანამ ეკონომიკური ზრდის მაჩვენებელი შეამცირეს, ჩვენ კი პირიქით - 6 %-მდე გავზარდეთ"- განაცხადა წლის შემაჯამებელ ბრიფინგზე საქართველოს პრემიერ-მინისტრმა ნიკა გილაურმა
პრემიერი ამბობს, რომ 2011 წელს ეკონომიკური ზრდა რეალურად 6 %-ის ნაცვლად, 6,5 %-ი იქნება.
