საქართველოს პრემიერ-მინისტრი ნიკა გილაური ინფრასტრუქტურის განვითარების თვალსაზრისით 2011 წელს დადებითად აფასებს. მისი თქმით, ინფრასტრუქტურის განვითარებისთვის წელს რამდენიმე მნიშვნელოვანი პროექტი დასრულდა ან დაიწყო.
"ეს შეეხება აღმოსავლეთ-დესავლეთის საგზაო მაგისტრალს, მესტიის გზას, რომელიც ერთ-ერთი ყველაზე რთული საგზაო ინფრასტრუქტურა იყო. დავიწყეთ ქობულეთის შემოვლითი გზის მშენებლობა, დავიწყეთ სამტრედია-ზესტაფონის გზის მშენებლობა. დასრულდა სამცხე-ჯავახეთის გზის მშენებლობა. ანუ, ძალიან ბევრი მნიშვნელოვანი პროექტი დასრულდა წელს. რეზულტატები უკვე გვაქვს და ასევე ძალიან ბევრი მნიშვნელოვანი საგზაო პროექტი დაიწყო", - აღნიშნა პრემიერმა.
მისი თქმით, რკინიგზაში წელს დაიწყო სამი ინფრასტრუქტურული პროექტი: თბილისის შემოვლითი რკინიგზის მაგისტრალი, თბილისი-ბათუმის მაგისტრალის რეაბილიტაცია და ყარსი-ახალქალაქის რკინიგზა.
" ყარსი-ახალქალაქის რკინიგზა მშენებლობა გასულ წლებში დაიწყო და წელსაც გაგრძელდა. ამ რკინიგზაზე ძალიან დიდი ინვესტიცია ჩაიდო", - აღნიშნა პრემიერმა და დასძინა, რომ ჯამში 30 000-მდე ადამიანი იქნა დასაქმებული საგზაო ინფრასტრუქტურაში, რკინიგზაში კი დამატებით 8000 ადამიანი.