დღეს, 29 დეკემბერს, 20:00 საათზე, შარდენზე (კონკასთან) "თიბისი ბანკის" ახალი ახალი პროექტის "20 წელი - 12 თვე" პრეზენტაცია გაიმართება.
პროექტი თიბისი ბანკმა 1 თვის წინ დაიწყო და გაგრძელდება 2012 წლის ბოლომდე. პროექტის ფარგლებში 12 ქართველმა მწერალმა დაწერა 12 მოთხრობა, რომელთა ფოტოილუსტრაციების 12-მა ცნობილმა ფოტოხელოვანმა შექმნა.
ამ მოთხრობებისა და ფოტოების საფუძველზე, თიბისი ბანკმა გამოსცა წიგნი-დღიური და კედლის კალენდარი. მომავალი წლის განმავლობაში პროექტი გაფართოვდება და მოიცავს ხელოვნების სხვა დარგებსაც. ბოლოს კი, ამ ნოველების საფუძველზე შეიქმნება კინოსცენარი და მხატვრული ფილმი.
პროექტი ეძღვნება თიბისი ბანკის 20 წლის იუბილეს, რომელიც ბანკს 2012 წლის დეკემბერში უსრულდება. ფილმის პრემიერა სწორედ ბანკის იუბილეზე გაიმართება.
პრეზენტაციას დაესწრებიან პროექტის მონაწილე მწერლები, ფოტოხელოვანები. წარმოდგენილი იქნება ნოველების ფოტოილუსტრაციების გამოფენა და მოეწყობა ამ ნოველების ავტორების მონაწილეობით გადაღებული სატელევიზიო რგოლების პრეზენტაცია.
